جبتلكم مزايا بنات جامعة النجاح وطبعا بدون زعل
للي بهمهم الامر اوكي وهادا الموضوع كرمال الشباب
- كلهم بقولو أنا ومام زي الصاحبات ، دايما بحكلها كل اشي ، ماما بتعرف عنك كل إشي
شغل عرط بس طبعا .
2- كلهم شقر وعنيهم لينسيز ملونة يخزي العين . تقول هاي رجعتهم من السويد .... بتسألها بتحكيلك شو لينسيز ؟ هدول عيوني الحئيئيين......
3- كلهم ببعتو للشب المسج التالي:اتصل فيي ما معي رصيد ، وعندي إمتحان مش آدره أروح أشتري بطائه...
4- لو سألتها عن احلى سنين بحياتها رح تحكيلك: ما بين 19و23 وبتشرحلك كيف كانت حلوة وجننة شباب الجامعة وكيف كلهم بركضوا وراها وهي ما كانت تعبرهم .
5- الشاطرة الل بدها تقهر صاحباتها ...بترنلى 111 وبتنزل عرط وتخوت وعلى آآ حبيبي وشو حياتي و i miss uيا عمري وبشوفك يا baby.
6- كله أخدو رخصة السواقة بالواسطة .... وأكيد هذا واضح من البريكات الخبط او السرعة اللي ما بتطلع عن 20 وحزام الامان الي رح ينمزع قد ما هو مشدود......
7- بالجامعة بتطلب ساندويش لبنه ومرتديلا دايما لبنه واذا بدها تغير بتطلب صحن بطاطا والكولا دايت طبعا بسترجع عالبيت بتفوم بسدر المسخن لحالها ، والله بوكلوكم على جوع!
8- إذا حاولت تمسك ايدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل* الجامعة ، بس اذا لقيتها "صدفه"بعرس ابن خالة عم امها ، بتضلكو عالبست للصبح ، وبتشبكو على الدبكة وأطيني هوارة أبو الحلاني ....وروووووووح....للصبح رقص سلو _ على اساس فرندز طبعا .
9- كلهم بابا بحبهم اكتر وحدة بين اخواتها ...وهي وبابا زي الصحاب وبابا بوخد رايها بكل اشي ....
10- اكره اشي عليهم يشوفوك بتحضر مباراة ، بمعنى آخر اكتر اشي بكرهو كرة القدم ، إالا إذا المباراة فيها بطل ايطاليا او انجلترا بتلاقيهم قعدو وبسطوا يبصبصوا على اجرن مالديني وبيكهام بهاي معهم حق ، يعني بصراحة مالديني منظر وطلاب النجاح منظر؟
11- مريحين بالهم وتنحصر اهتماماتهم في المواضيع التالية :
روجيم : لازم أنزل كمان خمسين كيلو .
حومرة وبودرة : نزلواحومرة جديدة بطعم الكيو والخيار ، أووولتك أسشور شعري ولا أعملو كيرلي .
الاكل: ماما طبخت جاجة محشيةتفاح.
وما بتغدو غير ستيك مشوي ، وما بشربو غير مي .
الفن ما أزكاه brad pitt / ريان شعره بجنن / شفتي أصالة ما أزنخها /مش ألتلك انهبشار بحب سلمى / شفتي صندل نانسي / أحمد الشريف احلى واحد بالعالم ! لون بشرة اليسا وااااو / حضرتي كليب شويري ما أفيعوا؟
مو معئولة هالشاكيرا!!!
12- كلهم ما بدخنو ... بس بابا سمحلهم يأرجلو عادي.....
13- عندهم حالة تشابه غريبة: إذا واحدة عملت تاتو تاني كل البنات تاتو ، إذا وحدة حطت خلخال تني يوم كل البنات خلخال ، إذا وحدة صبغت شعرها أخضر تاني يوم بتنزلك موضة الاخضر ....
14-مواصفات حبيب القلب :
مايع وشعره طويل ، معه سيارة حلوة ، موبايلة اخر موديل ، يعزمها كل يوم ع الكوفي شوب ، واذا بشبه توم كروز بكون ممتاز. .>اللي عندو هاي المواصفات يا عم مين قدو<
15- بتكون أدفش من حكيعا ما في .. وكلو كال وغاد وانداري وبديش و.....كرفانه ...بالجامعة بتقلب آآل وهوناك ومو عارفة و thank u وكتيييير زهئانة
16- دايما شنتتهم ملانه اشياء زاكيه ، إذا جعت بتلاقي معاهم السوبر ماركت بالشنته شبس شوكالاته بسكوت دروبس علكه سوس .....
هههههههههههههههه
ارجو تقبل الموضوع بروح رياضية
وانو ينال الابتسامة